Santo Tomas eguna gertu dagoela eta Gabonetako oporren atarian, Martutene Lanbide Eskolan ekintza berezi bat antolatu dugu ikasleekin batera: txistorrada bat ikastetxean.
Egun horretan, ikasleek txistorra ogitartekoak eta indioilar eta gazta ogitartekoak jateko aukera izan dute, giro atsegin eta lasaian. Une hauek eguneroko errutinatik ateratzeko balio dute, elkarbizitza indartzeko eta ikastetxeko komunitatearen arteko harremanak sendotzeko.
Horrelako ospakizunek gure hezkuntza-ikuspegia islatzen dute: ikaskuntza akademikoaz gain, elkarbizitza, kultura eta tradizioak lantzea, eta elkarrekin partekatutako momentuen garrantzia azpimarratzea.
Eskerrak eman nahi dizkiegu parte hartu duten ikasle guztiei eta jarduera hau posible egin duen taldeari, eta ikastetxeko komunitate osoari Gabon zoriontsuak eta atseden ona opa dizkiogu.
