Gaur, urriaren 1ean, Martutene Lanbide Eskolako Eskolatze Programa Osagarriko (EPO) ikasleek ABAKOk antolatutako «Quiérete bien» hitzaldian parte hartu dute.
Jardueran ongizate emozionalarekin, autoestimuarekin, harreman osasuntsuekin eta norberaren zaintzarekin lotutako gaiak landu dituzte. Saioan zehar, gazteei beren burua hobeto ezagutzen eta eguneroko bizitzarako baliagarriak diren tresnak garatzen laguntzeko hainbat hausnarketa egin dira.
Horrelako jarduerek ikastetxean EPOko ikasleekin egiten dugun lana osatzen dute. Izan ere, laguntza pertsonala, bizikidetza eta bizitzarako trebetasunen garapena beren hezkuntza-prozesuaren parte dira.
