Martutene Lanbide Eskolan plazer handiz jaso dugu Aesleme (Bizkarrezur-lesioaren Azterketarako Elkartea) elkartea, zeinak ikasleei zuzendutako hitzaldi bat eskaini dien trafiko-istripuetan gertatzen diren bizkarrezur-lesioen prebentzioari buruz.
Aesleme irabazi-asmorik gabeko elkartea da, 30 urte baino gehiagoko ibilbidearekin, eta helburu argi batekin dihardu: trafiko-istripuetako biktimen kopurua murriztea eta mugikortasun seguru eta arduratsua sustatzea.
Saioan zehar, ikasleek aukera izan zuten gogoeta egiteko gidatzeko ohitura seguruak hartzearen garrantziaz —gerrikoa jartzea, abiadura egokia mantentzea, arreta ez galtzea…—. Hitzaldian, gainera, bizkarrezur-lesioak pairatu dituzten pertsonen benetako testigantzak entzun ahal izan zituzten, eta horrek lagundu zuen ulertzen zenbateraino izan daitezkeen larriak segundo bakarreko arduragabekeria baten ondorioak.
Ekintza hau gure konpromiso pedagogikoaren barruan kokatzen da: ikasleen heziketa integrala sustatzea, gaitasun profesionalak ez ezik gizarte-kontzientzia eta erantzukizun pertsonala ere lantzen ditugu.
Eskerrik asko Aesleme elkarteari zuen inplikazioagatik eta lan baliotsuagatik, herrialde osoko ikastetxeetan egiten duzuen hezkuntza-lanagatik.
Eskerrik asko gure ikasgelak ikaskuntza, hausnarketa eta hazkunde pertsonalerako espazio bihurtzen laguntzeagatik.